Hike to Chariot Path of King Ravana

Year and Month	23-April-2016
Number of Days	One
Crew	04
Accommodation	N/A
Transport	Motor Bicycles
Activities	Hiking, Nature Exploring, Photography, Sightseeing
Weather	Good
Route	Colombo -> Kandy -> Pussellawa -> Fortoft -> Perettasi
Tips, Notes and Special remark	Carry enough water (2L x 2) Do not try in rainy days Ask the directions from local There are leeches Do not disturb to the villagers Take enough food Do not litter Beware of Leopards as there are many at night Leave only footprints
Related Resources	None
Author	Ranshan Fernando
Comments	Discuss this trip report, provide feedback or make suggestions at Lakdasun Forum on the thread Hike to Chariot Path of King Ravana

රාවණාගේ කරත්ත පාර l C H A R R I O T P A T H

රාවණා ගැන කථා ඕන තරම් අපි අහලා තියෙනවා. ඒ අතරින් වඩා විශේෂ තැනක් ගැන තමයි මේ කියන්නේ. මෙතනට කියන්නේ Chariot path(චැරියට් පාත්) කියලා. හැබැයි පුස්සැල්ලෑව පැත්තේ අය නම් කියන්නේ ‘පිට්ටනි“ කියලා. මේ සුන්දර ස්ථානය තියෙන්නේ පිදුරුතලාගල කඳුපන්තියේ රම්බොඩ පැත්තේ. පුස්සැල්ලෑවට ගිහිං පුස්ස්ල්ලාව පෙට්රසි වත්තෙන් මෙතනට යන්න පුළුවන්.

කොළඹ ඉඳලා එන අයට ලේසි ක්‍රමය තමයි කොළඹ සිට නුවර හරහා පුස්සල්ලාවට ගිහිං එතනින් පෙට්රසි වත්තට යන එක. කොහොමත් කොළඹ ඉඳලා පුස්සැල්ලාවට එන්න පැය 5ක් විතර යනවා. ඒ නිසා පුළුවන් තරම් උදේ එන එක හොඳයි. පුස්සල්ලාවේ ඉඳලා පෙට්රසි වලට කිලෝමීටර් 12ක් තියෙනවා. පෙට්රසි වත්තට ගිහිං එතන අයගේ සහයෝගය ගන්න පුළුවන් මේ ගමන යන්න. පරිස්සමට යන වාහනේ පාක් කරලා යන්න, ගමනට මඟ පෙන්වන්නෙක් හොයාගන්න ආදිය මෙතනදි කරගන්න වෙනවා. එතන ඉඳලා තේ වතු මැදින් තමයි ගමන යන්න තියෙන්නේ. කොහොමත් මෙතන ඉඳලා පැය දෙකක දෙකහමාරක වගේ ගමනක් තියෙනවා.

මේ ගමන ඉතාම අසීරු එකක් අඩි පාරක් දිගේ ගිහිං කඳුකර වනාන්තරය මැදින් තියෙන සීඝ්‍ර බෑවුමක් දිගේ ඉහළට නගින්න තියෙන්නේ. මේ නිසා මෙහේ යන අයට මුලින්ම කියන්න ඕන ඒ දුෂ්කරතාවයට ඔරොත්තු දෙන අය විතරක් මෙහේ යන්න එකතු කරගන්න. මොකද චැරියට් පාත් යන එකම ලොකු චැලෙන්ජ් එකක් නිසා. මේ ගමන යනවා නම් කරන්න තියෙන හොඳම දේ පෙට්රසි වත්තෙ ඉන්න කවුරු හරි පුරුදුකාරයෙන් සෙට් කරගන්න එක. මොකද යන පාර එක එක පැත්තට බෙදෙනවා. හරි පාර හොයා නොගත්තොත් අතරමං වෙනවා. අනික මේ කලාපයේ කඳුකර කොටියා බහුලව ඉන්න පුළුවන් මේ නිසා ගමේ කෙනෙක්ගේ සහයෝගය ගන්න. මොකද ගමේ අය දන්නවා කොටියා ගැවසෙන්නේ නැති වෙලාවල්, සහ කලාප. කොහොම වුනත් පුංචි අවධානමක් නැතුවාම නෙවෙයි.

ගමන කොයිතරම් බියකරු, අසීරු වුනත් ඒ අසීරුකම විඳගෙන කන්ද නැගගෙන ටික ටික ඉහළට යද්දි අවට පරිසරය පේන විදිහ ගැන කියන්න වචන මදි. හාත් පස විහිදුනු ගස් කොළං සහිත සුවදායක පරිසරයක මිහිරියාව ඇඟට දැනෙන්න ගන්නවා.

අසීරුවවෙන් ගමන කෙළවරට අවාම තියෙන්නේ හෝර්ටන් තැන්නට සමාන පරිසර කලාපයක් සහිත තැනිතලා භූමියක්. මේ තැනිතලාවේ හාත්පස බැලුවම පේන්නේ අවට පෙන්නේ දෙපැත්තේ වන රොදවලින් පිරිච්ච මැද හිස් වූ කලාපයක්. මේක හරියට පාරක් වගේ. මේ නිසා තමයි මෙතනට චැරියට් පාත් කියන්නේ. මොකද මිනිස්සු විශ්වාස කරනවා මේ පාර තමයි රාවණාගේ කරත්තය ආපු පාර කියලා. බැලූ බැල්මට ඒ පරිසර කළාපය අමුතුයි. පාරක් වගේ දිගට එක කලාපයක විතරක් උස ගස් වැවෙන්නේ නෑ.
මේ තැනිතලාවේ එක කෙළවරක තියෙනවා වතුර පිරුණු වළක්. මේකටත් ඉතිහාසය සම්බන්ධයයි.මිනිස්සු මේකට කියන්නේ සීතා පොකුණ කියලා. මිනිස්සු විශ්වාස කරනවා මේක සීතාගේ කඳුළු වලින් නිර්මාණය වුනා කියලා. ඒ වගේම මේ පොකුණ ඕනම නියං කාලයක හිඳෙන්නේ නැති බව ගම්වාසීන් කියනවා.

හතරවටින් මීදුම පිරිච්ච කඳු යායවල් අතර මැද හුදකලා වූ මනස්කාන්ත මේ තැනිතලාව කූඩාරමක් අටවාගෙන රාත්‍රියක් ගත කරන්න නියමයි. මොකද ගිය ඕනම කෙනෙකුට මෙතන තියෙන සුන්දරත්වය එක්ක දවසක් ගත කරන්න හිතෙනවාම තමයි. හැබැයි අමතක කරන්න එපා මෙතන කෑම්පිං කරනවා නම් ආතල් ගන්න විතරක් කෑම්පිං කරන්න යන්න එපා. මේ අවට පරිසරය තවම මිනිස් ග්‍රහණයට බරපතල විදිහට ලක්වෙලා නෑ. මේ නිසා සුන්දර වනපෙත විනාශ කරන්නේ නැතුව පරිසරයේ අසිරිය විඳින්න පුළුවන් පුළුවන් මොළේ තියෙන අය විතරක් මෙතනට යන්න.

සටහන උපුටාගැනීම awidimu .com